Vətənim Media xəbər verir ki, Azərbaycanın Xalq artisti Zaur Rzayev oktyabrın 29-da, ömrünün 75-ci ilində dünyasını dəyişib. Mədəniyyət Nazirliyi sənətkarın vəfatı ilə əlaqədar ailəsinə və yaxınlarına başsağlığı verib.
1952-ci il yanvarın 28-də Kürdəmir rayonunun Karrar kəndində anadan olan Rzayev müxtəlif illərdə Azərbaycan Dövlət Filarmoniyasının Xalq Çalğı Alətləri Ansamblında, Dövlət Mahnı Teatrında və hərbi musiqi kollektivlərində çalışıb. 1994-cü ildən Azərbaycan Silahlı Qüvvələrinin Mahnı və Rəqs Ansamblına rəhbərlik edib. O, 1998-ci ildə Əməkdar artist, 2003-cü ildə isə Xalq artisti fəxri adına layiq görülüb; Dağıstan Respublikasının da fəxri adları ilə təltif olunub.
Əsas mənbə: APA