Vətənim Media xəbər verir ki, Azərbaycan Mətbuat Şurası Azərbaycan Radiosunun 100 illik fəaliyyəti münasibətilə kollektivin üzvlərini təbrik edib.
Şuranın yubiley münasibətilə yaydığı təbrikdə radionun milli jurnalistikanın inkişafında, ana dilinin, ədəbiyyatın və musiqinin təbliğində roluna diqqət çəkilib. Mətbuat Şurası radionun yüzillik fəaliyyətini peşəkar jurnalistika məktəbinin formalaşması ilə də əlaqələndirib.
Şura kollektivə möhkəm cansağlığı, yaradıcılıq enerjisi və yeni uğurlar arzulayıb, radionun inkişafına töhfə vermiş nəsillərin nümayəndələrini ehtiramla yad edib.
Əsas mənbə: www.presscouncil.az