Kazımov: Azərbaycanın strateji valyuta ehtiyatları 88,6 milyard dollara çatıb

Şrift
🔊 Xəbəri dinlə — Novruz (AI diktor)
Kazımov: Azərbaycanın strateji valyuta ehtiyatları 88,6 milyard dollara çatıb

Vətənim Media xəbər verir ki, Mərkəzi Bankın sədri Taleh Kazımov Milli Məclisin plenar iclasında gələn ilin dövlət büdcəsi zərfinin müzakirəsi zamanı 2026-cı ilin ötən dövründə ölkədə iqtisadi inkişafın davam etdiyini və makroiqtisadi sabitliyin qorunduğunu bildirib. O, çıxışında qlobal qeyri-müəyyənliklərə və geosiyasi çağırışlara baxmayaraq, iqtisadi artımın davam etdiyini deyib.

Kazımovun sözlərinə görə, doqquz aylıq gömrük statistikasında xarici ticarət balansının profisiti 10,5 milyard ABŞ dolları olub. Cari əməliyyatlar balansının altı aylıq profisiti isə 4,7 milyard dollar, yaxud ümumi daxili məhsulun 12,4 faizi səviyyəsində qeydə alınıb. Mərkəzi Bankın proqnozuna əsasən, bu göstərici 2026-cı ilin sonunda 8,5 milyard, 2027-ci ilin sonunda isə 5,5 milyard dollar ətrafında olacaq.

Mərkəzi Bankın sədri bildirib ki, Azərbaycanın strateji valyuta ehtiyatları ilin ilk 10 ayının nəticələrinə görə 4,1 faiz artaraq 88,6 milyard dollara yüksəlib. Onun qeyd etdiyi kimi, ehtiyatların həcmi manatla geniş pul kütləsindən 3,3 dəfə, birbaşa xarici dövlət borcundan isə 20 dəfə çoxdur.

Əsas mənbə: APA

Vətənim Media Shorts

YouTube-da aç ↗