Vətənim Media xəbər verir ki, mədəniyyət nazirinin müavini Fərid Cəfərov Bakı Forumunda irəli sürülən təkliflərin mədəniyyətlərarası dialoqa dair yekun sənəddə əksini tapacağını bildirib. O, bunu Bakıda keçirilən beynəlxalq təşkilatların yüksək səviyyəli görüşü və Bakı Prosesi çərçivəsində nazirlərin görüşünün xüsusi birgə sessiyasında deyib.
Cəfərov süni intellekt dövründə sülh və qarşılıqlı anlaşmanın möhkəmləndirilməsinin müzakirələrin əsas mövzularından olduğunu qeyd edib. Onun sözlərinə görə, yekun tövsiyələr beynəlxalq təşkilatlarda və hökumətlərdə qərar qəbul edənlər üçün praktiki vasitə olacaq. Növbəti Mədəniyyətlərarası Dialoq Forumu 2028-ci ildə keçiriləcək.
Əsas mənbə: APA