Vətənim Media xəbər verir ki, Rusiya Prezidenti Vladimir Putin Finlandiya Prezidenti Aleksandr Stubb və Norveçin Baş naziri Yonas Qar Störe ilə telefon danışığında Ukrayna böhranının həllini müzakirə edib. Kreml görüşün Finlandiya və Norveç liderlərinin xahişi ilə keçirildiyini bildirib.
Kremlin məlumatına görə, Putin münaqişə zonasındakı vəziyyəti və onun köklü səbəblərini dəyərləndirib. O, ədalətli və uzunmüddətli sülhün Rusiyanın maraqları nəzərə alınmaqla mümkün olduğunu deyib. Tərəflər Baltik dənizində və Şimali Avropada təhlükəsizlik məsələlərinə də toxunub, birbaşa əlaqəni davam etdirmək barədə razılaşıblar.
Finlandiya Prezident Administrasiyasının məlumatına görə, söhbətə Avropa liderləri təşəbbüs göstərib. Stubb danışığı “açıq və mənalı” adlandırıb, Störe isə avropalıların Ukrayna münaqişəsinin gərginliyini azaltmağın vacibliyini vurğuladığını bildirib. Stubb Rusiya ilə birbaşa dialoqun münaqişəyə son qoymaq üçün zəruri olduğunu qeyd edib.
Əsas mənbə: APA