Vətənim Media xəbər verir ki, Bakıda keçirilən beynəlxalq görüşlərin birgə sessiyasında UNESCO-nun Baş direktorunun müavini Asa Regner hökumətləri qadınların ictimai dialoqda və qərarvermə proseslərində iştirakını genişləndirməyə çağırıb. APA-nın məlumatına görə, o, mədəniyyət sektorunda qadınların əməyinin böyük yer tutduğunu, lakin texnologiya sahəsində qərarların qəbulunda onların yetərincə təmsil olunmadığını bildirib.
Regnerin sözlərinə görə, dünyada 133 milyon qız təhsildən kənarda qalır, Əfqanıstanda isə 2,4 milyon qız və gənc qadın təhsil ala bilmir. O, 2026-cı il tədqiqatına qatılan qadın jurnalistlərin dörddə üçünün onlayn zorakılıqla üzləşdiyini, 138 milli süni intellekt strategiyasından yalnız 24-də gender məsələlərinin nəzərə alındığını deyib. UNESCO rəsmisi hökumətləri gender bərabərliyi üçün konkret mexanizmlər və nəticələrin ölçülməsi göstəriciləri müəyyənləşdirməyə çağırıb.
Əsas mənbə: APA