Vətənim Media xəbər verir ki, AZCON Holdinqə daxil olan AzInTelecom MMC beynəlxalq “WebTrust for Certification Authorities” auditindən uğurla keçib. Müstəqil qiymətləndirmə şirkətin rəqəmsal imza infrastrukturunda təhlükəsizlik və idarəetmə proseslərinin beynəlxalq standartlara uyğunluğunu təsdiqləyib.
Audit zamanı informasiya təhlükəsizliyinin idarə edilməsi sistemləri, kriptoqrafik açarların idarə olunması və əməliyyat prosesləri qiymətləndirilib. AzInTelecom-un İnformasiya Təhlükəsizliyi Departamentinin rəhbəri Ruslan Dadayev bildirib ki, auditin tamamlanması şirkətin etibarlı texnoloji tərəfdaş kimi mövqeyini möhkəmləndirir və yeni əməkdaşlıq imkanları yaradır.
Əsas mənbə: APA