Vətənim Media xəbər verir ki, Azərbaycan Mətbuat Şurasının İdarə Heyətinin üzvü, media eksperti Müşfiq Ələsgərli “Milli mətbuatdan rəqəmsal mediaya: keçid və yeni dövrün çağırışları” forumunda medianın özünütənzimləməsi və jurnalist etikası barədə danışıb.
Ələsgərli bildirib ki, etik kodekslər, onlara əməl olunmasına nəzarət edən qurumlar və media ombudsmanlığı özünütənzimləmədə mühüm rol oynayır. Onun fikrincə, həm ənənəvi, həm də rəqəmsal mediada bu mexanizmlərin tətbiqinə ehtiyac var.
Media eksperti peşəkar jurnalistikanı sosial şəbəkə fəaliyyətindən fərqləndirən əsas cəhətlər kimi ictimai məsuliyyəti və etik qaydalara əməl olunmasını göstərib. O, materialın məzmununu əks etdirməyən və süni sensasiya yaradan başlıqların cəmiyyəti yanlış istiqamətə yönəldə biləcəyini də vurğulayıb.
Əsas mənbə: www.presscouncil.az