Vətənim Media xəbər verir ki, YARAT Müasir İncəsənət Məkanının təşkilatçılığı ilə XX–XXI əsrlər Azərbaycan Rəngkarlığı Muzeyində “ENQRAM” sərgisi açılıb. APA-nın məlumatına görə, ekspozisiyada şəxsi kolleksiyalardan seçilmiş, 1950-ci illərdən bu günə qədər Azərbaycan incəsənətini əhatə edən əsərlər yer alıb. Tədbirdə Leyla Əliyeva və Alyona Əliyeva iştirak edərək sərgi ilə tanış olublar.
Aida Mahmudova və Fərəh Ələkbərlinin kuratorluğu ilə hazırlanan sərgidə rəngkarlıq, qrafika və heykəltəraşlıq nümunələri nümayiş olunur. Ekspozisiyada Aida Mahmudova, Altay Sadıqzadə, Əşrəf Murad, Cavad Mircavadov, Fərhad Xəlilov, Səttar Bəhlulzadə, Tahir Salahov və digər rəssamların əsərləri var. Sərgi çərçivəsində AISEL-in “SUBLIMINALS Manifestasiya Təcrübəsi” adlı musiqi performansı da təqdim edilib.
Əsas mənbə: APA