Vətənim Media xəbər verir ki, Azərbaycan Prezidenti İlham Əliyev Əlcəzair Xalq Demokratik Respublikasının Prezidenti Abdelmacid Tebbuna 1 Noyabr – İnqilab Günü münasibətilə təbrik ünvanlayıb.
APA-nın yaydığı təbrikdə İlham Əliyev bu tarixi günü Əlcəzair xalqının azadlıq və müstəqillik uğrunda mübarizəsinin, iradəsinin, qəhrəmanlığının və milli birliyinin rəmzi kimi qiymətləndirib. O, Azərbaycan ilə Əlcəzair arasındakı dostluq və qardaşlıq münasibətlərindən məmnunluğunu bildirərək, əməkdaşlığın genişlənəcəyinə ümid etdiyini qeyd edib.
Prezident Tebbuna möhkəm cansağlığı və uğurlar, Əlcəzair xalqına isə əmin-amanlıq və firavanlıq arzulayıb.
Əsas mənbə: APA