Vətənim Media xəbər verir ki, Hərbi Prokurorluğun APA-ya verdiyi məlumata görə, cari ilin iyul və oktyabr çağırışları zamanı hərbi xidmətdən yayınma ilə bağlı beş fakt üzrə cinayət işi başlanıb.
İşlər Gəncə şəhər idarəsi, İmişli rayon şöbəsi, Qobustan və Şuşa rayon bölmələrində hərbi qeydiyyatda olan çağırışçılar barəsində Cinayət Məcəlləsinin 321.1-ci maddəsi ilə açılıb və istintaqı davam edir. Hərbi Prokurorluq bildirir ki, üzrlü səbəb olmadan tibbi müayinəyə və ya hərbi xidmətə çağırışa gəlməmək həmin maddə üzrə cinayət məsuliyyətinə səbəb ola bilər.
Əsas mənbə: APA