Vətənim Media xəbər verir ki, Azərbaycan Dəmir Yolları və Azərbaycan Fotoqrafları Birliyi “Dəmir Yolları – zamanın obyektivində” adlı fotomüsabiqə keçirəcək. Müsabiqə dəmir yollarının elektrikləşdirilməsinin 100 illiyinə və fotoqrafiya sənətinin yaranmasının 165 illiyinə həsr olunub. İştirak üçün yaş, təhsil və peşə məhdudiyyəti yoxdur; fotolar 3 noyabr–7 dekabr tarixlərində qəbul ediləcək.
İştirakçılar fotoaparat, smartfon və ya dronla çəkilmiş, Azərbaycan dəmir yollarına aid ən çox beş foto təqdim edə bilərlər. Süni intellektlə hazırlanmış və ya dəyişdirilmiş fotolar qəbul edilmir. I, II və III yerlərin qaliblərinə pul mükafatı və diplom veriləcək, bütün iştirakçılara sertifikat təqdim olunacaq. Müsabiqəyə göndərilən fotolardan sərgi də təşkil ediləcək.
Əsas mənbə: APA