Vətənim Media xəbər verir ki, Prezident Kitabxanasında Xalq yazıçısı Çingiz Abdullayevlə oxucuların görüşü keçirilib. Tədbirdə yazıçının kitablarından ibarət sərgi nümayiş olunub, onun həyat və yaradıcılığına həsr edilmiş fototəqdimat göstərilib.
Görüşdə tələbə və müəllimlər, elm, ictimaiyyət və dövlət xadimləri iştirak ediblər. Abdullayev həyat və yaradıcılığından danışıb, gəncləri Azərbaycan və dünya ədəbiyyatını oxumağa çağırıb, ədəbiyyat-oxucu münasibətlərinə dair fikirlərini bölüşüb. İştirakçılar ona suallar ünvanlayıblar.
Tədbirin sonunda kitab imzalanıb. Prezident Kitabxanasının direktoru Afət Abbasovanın sözlərinə görə, kitabxananın fondunda yazıçının üç dildə 200 adda kitabı var. Abdullayevin əsərlərinin 600-dən çox kitabı dünyanın 30-dan artıq dilinə tərcümə edilib və ümumi tirajı 32 milyon nüsxədir.
Əsas mənbə: edebiyyatqazeti.az