Vətənim Media xəbər verir ki, noyabrın 6-da Yasamal və Nizami rayonlarında təmir işləri ilə əlaqədar elektrik enerjisinin verilişində müvəqqəti fasilələr yaranacaq. “Azərişıq” ASC-nin APA-ya verdiyi məlumata görə, Yasamalda Mikayıl Müşfiq və Şəfayət Mehdiyev küçələrinin bir hissəsində saat 10:00-dan 13:00-dək elektrik olmayacaq.
Nizami rayonunda, Əli Vəliyev küçəsi 16 ünvanında isə elektrik enerjisinin verilişi saat 10:00-dan 14:00-dək dayandırılacaq. Təmir işlərinin enerji təchizatının keyfiyyətini yaxşılaşdırması və artan tələbatın qarşılanmasına xidmət etməsi nəzərdə tutulur.
Əsas mənbə: APA