Vətənim Media xəbər verir ki, Prezident İlham Əliyev noyabrın 7-də əsaslı yenidənqurmadan sonra Xankəndi Şəhər Stadionunun açılışında iştirak edib. APA-nın məlumatına görə, gənclər və idman naziri Fərid Qayıbov dövlət başçısına stadionda yaradılan şərait barədə məlumat verib.
1956-cı ildə istifadəyə verilən stadion UEFA-nın 3-cü kateqoriya standartlarına uyğun yenidən qurulub. Ərazisi 3,39 hektara çatdırılıb, tamaşaçı tutumu isə 8 554 yer təşkil edir. Futbol meydançasına süni örtük döşənib, ərazidə atletika zonası və futbolçular, hakimlər, məşqçilər və media nümayəndələri üçün otaqlar yaradılıb.
Əsas mənbə: APA