Vətənim Media xəbər verir ki, Qax rayonunun Sarıbaş kəndində qar örtüyünün qalınlığı 10 santimetri ötüb. Noyabrın 8-dən 9-na keçən gecə qar yağıb, Şəkinin Oxud və Kiş kəndlərinin inzibati ərazilərində isə qarın qalınlığı 3-6 santimetrə çatıb.
APA-nın məlumatına görə, Balakən, Zaqatala, Qax, Şəki və Oğuz rayonlarında noyabrın 5-dən qeyri-sabit hava şəraiti davam edir. Şamaxının Dəmirçi və digər dağlıq kəndlərinə, İsmayıllının dağətəyi yaşayış məntəqələrinə, Qəbələnin Laza, Duruca və Qəmərvan kəndlərinə də qar yağıb. Qəbələnin bəzi ərazilərində yağıntı davam edir. Temperatur düzənliklərdə 5, yüksək dağlıq ərazilərdə isə mənfi 4 dərəcəyədək enib.
Əsas mənbə: APA