Vətənim Media xəbər verir ki, APA-nın məlumatına görə, Xalq rəssamı və Azərbaycan Rəssamlar İttifaqının sədri Fərhad Xəlilov Milli Məclisin Mədəniyyət Komitəsinin ictimai müzakirəsində təsviri sənətə ayrılan büdcə vəsaitinin əvvəlcədən konkretləşdirilməsinin vacibliyini bildirib.
Xəlilov deyib ki, ayrılacaq məbləği əvvəlcədən bilmək sərgiləri planlaşdırmağa və onların təşkili ilə bağlı qərarlar verməyə imkan yaradar. O, sərgilərin layiqli məkanlarda və lazımi səviyyədə keçirilməsini, iştirakçıların isə təsviri sənəti dərindən bilən mütəxəssislər tərəfindən seçilməsini istəyib.
Əsas mənbə: APA
