“Villarreal” rəhbərliyi baş məşqçi Fran Eskriba ilə yollarını ayırmaq qərarına gəlib.
52 yaşlı mütəxəsislə yanaşı, onun köməkçiləri Xosep Alkaser və Xose Maskaros da postunu tərk edib. “Sarı sualtı qayıq” La Liqanın 6-cı turunda “Getafe” klubuna 4 cavabsız qolla uduzub. Komanda hazırda turnir cədvəlində 14-cü yeri tutur. Eskriba 2016-cı ilin yayından “Villarreal”da çalışırdı. Yeni məşqçinin adına yaxın saatlarda aydınlıq gələcək.