“Rusiya Federasiyası xarici işlər nazirinin müavini, MDB üzrə siyasətin ağır artilleriyası olan Qriqori Karasinin Ermənistana səfəri gözlənilir. Ermənistan-Rusiya əlaqələrinin gərginləşməsi fonunda bu səfər rəsmi Yerevana təzyiqlərin başlanğıcından xəbər verir. Əsasən Paşinyanın xarici siyasətinin tədqiqi, həmçinin Kremlin təhdid dolu mesajını çatdırmağa gedir”.
Turkustan.info xəbər verir ki, bunu politoloq Məhəmməd Əsədullazadə məsələni şərh edərkən deyib.
O qeyd edib ki, ötən həftə Putinin Moskvada Paşinyanı qəbul etməməsi, təzyiq mesajı olmaqla yanaşı, artıq onunla danışmağın heç bir məna kəsb etmədiyindən irəli gəlir:
“Moskva görüşü yalnız Paşinyan üçün görüntü olaraq lazım idi. Putin bu fürsəti ona tanımadı. Artıq Rusiyada erməni lobbisi, maliyyə mərkəzlərinə Ermənistana maliyyə yardımın dayandırılması barədə Kremldən göstəriş verilib. Bu da Ermənistanda sosial vəziyyəti ağırlaşdırmaqla yanaşı, Rusiyanın ermənilərə təzyiqi deməkdir. Kreml bununla Ermənistanın yeni rəhbərliyi ilə haqq-hesab çəkməyə başlayır. Qazın qiymətinin qaldırılması bunun bariz göstəricisidir. Rusiya Federasiyası xarici işlər nazirinin müavini Q.Karasin emosional və açıq şəkildə təhdidedici ritorikaya malikdir. Məhz Moskva Karasini görəvləndirməklə Paşinyanı açıq şəkildə başa salmağa göndərir. Hazırda Rusiya Ermənistan əlaqələrinin inkişafını Paşinyan durdurub. Bundan əlavə, Qarabağdakı separatçıların Paşinyana qarşı sərt mesajlarının arxasında Moskvanın dayanması da istisna edilməməlidir”.
Politoloq bildirib ki, Karasinin Yerevanda aparacağı danışıqlarda Robert Koçaryanın həbsdən azad olunmasını tələb edəcək:
“Bundan əlavə Paşinyanın xarici siyasət kursunda anti-Rusiya meyillənməsini, Ermənistan üçün təhlükəsizlik məsələsini qeyd edəcək. Digər bir məsələ isə “Qarabağ klanı”na qarşı siyasi təqibi dayandırmağı tələb etmək olacaq. Çünki Moskvanın siyasi dayağı olan “Qarabağ klanı”nın siyasi səhnədən getməsi, Paşinyanın əl-qolunu açır. Amma Moskvanın bu ölkədə siyasi dayaqlarını zəiflədir. Ermənistanda elə bir situasiya yetişdi ki, Rusiya öz forpostunu itirmək mərhələsindədir. Karasinin əsas müzakirə predmeti Qarabağ məsələsi olacaq. Qeyd edim ki, “Sorosun uşaqları”, “Kremlin uşaqları”nı sıradan çıxarır”. /Cebhe.info/