Vətənim Media xəbər verir ki, bir qrup Azərbaycan QHT nümayəndəsi oktyabrın 26-da İran Prezidenti Məsud Pezeşkiana ünvanladıqları açıq məktubu İranın Azərbaycandakı səfirliyinə təqdim edib. APA-nın məlumatına görə, səfirlik nümayəndələri sənədi qəbul ediblər.
Məktubda İranda yaşayan azərbaycanlıların ana dilində təhsil almaq imkanlarının təmin olunmasına çağırış yer alıb. QHT təmsilçiləri bu istiqamətdə addımların mənəvi məsuliyyət və tarixi ədalət məsələsi olduğunu vurğulayıb, dil, təhsil və mədəni əməkdaşlığın inkişafına dəstək verməyə hazır olduqlarını bildiriblər. Nümayəndələr Pezeşkianın müraciətlərinə tezliklə cavab verəcəyinə ümid etdiklərini deyiblər.
Əsas mənbə: APA