Vətənim Media xəbər verir ki, Almaniyanın əmək və sosial məsələlər naziri, Sosial Demokrat Partiyasının (SPD) həmsədri Berbel Basın istefası hakim koalisiyada fikir ayrılıqlarını dərinləşdirib. SPD rəhbərliyinin qapalı toplantısında sosial demokratlar Xristian Demokrat İttifaqı və Xristian Sosial İttifaqını (CDU/CSU) etik davranmamaqda ittiham ediblər. Onların sözlərinə görə, iqtisadiyyat naziri Katerina Rayxe əməliyyatdan sonra dörd həftəlik xəstəlik məzuniyyətində olarkən ona yönələn tənqidləri dayandırıblar, lakin Basa qarşı eyni münasibət göstərilməyib.
CDU/CSU ittihamları əsassız sayıb. Kansler Fridrix Merts SPD rəhbərliyini və federal əyalət hökumətlərinin başçılarını açıqlamalarında ehtiyatlı olmağa çağırıb. O bildirib ki, Basa yönələn iradlar onun peşəkar fəaliyyəti ilə bağlı olub, şəxsi xarakter daşımayıb; həmçinin partiya yoldaşlarından ona hörmətlə yanaşmağı istəyib.
Prezident Frank-Valter Ştaynmayer Basın istefasını qəbul edib və əmək və sosial məsələlər naziri vəzifəsinə Reynland-Pfaltsın sabiq baş naziri Aleksander Şvaytseri təyin edib. Bas qərarını şəxsi səbəblərlə, ögey qızının vəfatı və CDU/CSU-dan gələn hücumlarla izah edib. Onun SPD həmsədri vəzifəsindəki varisinin kim olacağı hələ məlum deyil.
Əsas mənbə: APA