Vətənim Media xəbər verir ki, APA-nın məlumatına görə, Estoniyanın Elektron İdarəetmə Akademiyasının icraçı direktoru və İdarə Heyətinin sədri Hannes Astok Bakıda keçirilən informasiya təhlükəsizliyi rəhbərlərinin VIII Zirvə Toplantısında süni intellekt agentlərinin fəaliyyətinə nəzarətin vacibliyini vurğulayıb.
Astok bildirib ki, süni intellekt sistemlərinin müstəqil qərarvermə və əməliyyat imkanları artdıqca idarəetmə də gücləndirilməlidir. Bunun üçün etibarlı identifikasiya, səlahiyyətlərin idarə olunması, monitorinq, əməliyyatların qeydə alınması və audit imkanları təmin edilməlidir.
O qeyd edib ki, agentlərin hansı əməliyyatları yerinə yetirdiyini izləmək və onların müəyyən edilmiş səlahiyyətlər daxilində fəaliyyət göstərməsini təmin etmək vacibdir. Astok Avropa İttifaqının rəqəmsal yanaşmasında vahid bazar, sərhədlərarası xidmətlər, rəqəmsal identifikasiya və məlumatların qorunmasını etimad mexanizmlərinin nümunələri kimi göstərib.
Əsas mənbə: APA