Vətənim Media xəbər verir ki, Dövlət İmtahan Mərkəzi bu gün peşəkar mühasib sertifikatı imtahanının qanunvericilik üzrə II mərhələsini keçirir. İmtahan DİM-in elektron imtahanlar korpusunda və Naxçıvan şəhərindəki 4 nömrəli orta məktəbdə təşkil olunur.
Maliyyə Hesabatlarının Beynəlxalq Standartları üzrə imtahan saat 10:00-da başlayıb və üç saat davam edib. Bu mərhələdə 524 nəfər iştirak edib. Kiçik və Orta Sahibkarlıq Subyektləri üçün Maliyyə Hesabatlarının Beynəlxalq Standartları, eləcə də İctimai Sektor üçün Mühasibat Uçotunun Beynəlxalq Standartları üzrə I və II səviyyə imtahanları saat 16:00-da başlayıb.
Namizədlər imtahanı başa vurduqda və ya ayrılmış vaxt tamamlandıqda qapalı tipli tapşırıqların nəticələrini görə bilirlər. Yekun nəticələr yazılı cavab tələb edən tapşırıqlar yoxlanıldıqdan sonra, altı həftə ərzində elan olunacaq.
Əsas mənbə: APA