Vətənim Media xəbər verir ki, Gürcüstanın Siqnaxi şəhərində Azərbaycan və Gürcüstan arasında iqtisadi əməkdaşlıq üzrə birgə hökumətlərarası komissiyanın 11-ci iclası keçirilib. Baş nazirlər Əli Əsədov və İrakli Kobaxidzenin həmsədrlik etdiyi toplantıda iki ölkə arasındakı əməkdaşlığın inkişaf perspektivləri müzakirə olunub.
Tərəflər ticarət, investisiya, enerji, nəqliyyat-tranzit, kənd təsərrüfatı, ətraf mühit və mədəni-humanitar sahələrdə birgə fəaliyyətə toxunublar. İclasda bildirilib ki, cari ilin ilk doqquz ayında iki ölkə arasındakı ticarət dövriyyəsi 42 faiz artaraq 1 milyard dollara yaxınlaşıb və ötən ilin ümumi göstəricisini ötüb.
Görüşün sonunda Əli Əsədov və İrakli Kobaxidze komissiyanın 11-ci iclasının protokolunu imzalayıblar. İclasda sərhəd-keçid məntəqəsinin yaradılması, kənd təsərrüfatı və transsərhəd su ehtiyatlarının idarə olunması üzrə əməkdaşlıq məsələləri də müzakirə edilib.
Əsas mənbə: APA