Vətənim Media xəbər verir ki, APA-nın Tehran bürosunun İSNA-ya istinadən yaydığı məlumata görə, SEPAH-ın sözçüsü, general Hüseyn Mohəbi İranın təhdidlərə cavab vermək imkanlarını əməli şəkildə nümayiş etdirəcəyini bildirib. O, ölkənin raketlərinin uçuş məsafəsinə qoyulan məhdudiyyətin aradan qaldırıldığını təsdiqləyib və əvvəlcədən yalnız bəyanat verməyin düzgün olmadığını deyib.
Mohəbinin sözlərinə görə, İran qeyri-simmetrik müharibə aparır və düşməni gözləmədiyi nöqtələrdən vurmaq üçün çoxsaylı vasitələrə malikdir. O, bu imkanların düşməni hərəkətsiz vəziyyətə sala biləcəyini vurğulayıb.
Hörmüz boğazında ötən gecə baş verənlər barədə suala cavabında SEPAH sözçüsü atışmaların olduğunu, partlayışların əksəriyyətinin hava hücumundan müdafiə sistemlərinin atəşi ilə bağlı olduğunu bildirib. Mohəbi başqa hadisənin baş vermədiyini və atışmalar zamanı ABŞ-a məxsus hava vasitəsinin vurulduğunu iddia edib.
Əsas mənbə: APA