Vətənim Media xəbər verir ki, İranın xarici işlər naziri Abbas Əraqçi “X” hesabında Hörmüz boğazının açılması ilə bağlı ABŞ-a təqdim edilən iki günlük təklifin qüvvədə qaldığını bildirib. APA-nın məlumatına görə, Əraqçi Vaşinqtonun İranın tələblərini, o cümlədən bütün cəbhələrdə müharibənin dayandırılmasını yerinə yetirməli olduğunu yazıb.
Əraqçi ABŞ-ın qarşısında seçim olduğunu qeyd edib: tələbləri qəbul edib nəticəsini görmək və ya müharibəni seçmək. O, bu halda İran döyüşçülərinin ABŞ-a ağır zərbə vuracağını iddia edib.
Nazir noyabrın 1-də vasitəçilərlə plan barədə məsləhətləşmələrin davam etdiyini, lakin yekun nəticəyə gəlinmədiyini açıqlamışdı. Əvvəlki açıqlamasında isə İranın boğazın açılması planının icra müddətini iki günə endirməyə razılaşdığını bildirmişdi.
Əsas mənbə: APA