Vətənim Media xəbər verir ki, filologiya elmləri doktoru Esmira Fuad məktəblərdə vahid geyim formasının tətbiqini Azərbaycanın dünyəvi və hüquqi dövlət prinsipləri ilə əlaqələndirib. O bildirib ki, ölkədə müəllimlər üçün nümunəvi geyim qaydaları, şagirdlər üçün isə vahid məktəbli forması müəyyənləşdirilib.
Fuadın sözlərinə görə, Nazirlər Kabinetinin qərarı ətrafında son günlər aparılan müzakirələr müxtəlif istiqamətlərə yönəldilir. O, vahid geyim formasının dünya ölkələrində də tətbiq olunduğunu, məktəblərdə nizam-intizama və estetik görünüşə töhfə verdiyini qeyd edib. Filologiya elmləri doktoru geyim qaydalarına dünya təcrübəsi və Azərbaycanın dünyəvi dövlət prinsipləri çərçivəsində yanaşılmasının vacibliyini vurğulayıb.
Əsas mənbə: APA