Vətənim Media xəbər verir ki, dövlət ümumi təhsil müəssisələrində şagirdlərin təsdiqlənmiş məktəbli formasına uyğun geyinməsi ilə bağlı monitorinqlərə başlanılıb. Məktəb rəhbərlikləri qaydalara əməl olunmasını izləyir, şagirdlərlə profilaktik və maarifləndirici söhbətlər aparır, zərurət olduqda valideynləri də məktəbə dəvət edirlər.
Nazirlər Kabinetinin 21 sentyabr 2026-cı il tarixli qərarı ilə məktəbli geyimlərinin təsvirlərinə edilən dəyişikliklər vahid formanın tələblərini müəyyənləşdirib. Təsdiqlənmiş geyim formasının vahidliyini pozan və dünyəvilik prinsipinə uyğun gəlməyən elementlərə icazə verilmir. Milli geyimlərdən və onların elementlərindən isə tarixi, mədəni və milli-mənəvi dəyərlərlə bağlı tədbirlərdə Pedaqoji Şuranın qərarı əsasında istifadə oluna bilər. Bakıdakı bir neçə məktəbdə qaydaları pozan şagirdlər və valideynləri ilə izahat işləri aparılıb. Bəzi məktəblərdə uyğun olmayan geyimdə gələn şagirdlər qaydalarla tanış edildikdən sonra dərslərə buraxılıb; bir məktəbdə isə geyim qaydalarına əməl etməyən şagird və müəllimlərin dərsə buraxılmadığı bildirilib. 189-190 nömrəli məktəbdə söhbətlərin tədris prosesinə mane olmadığı qeyd olunub.
Əsas mənbə: APA