Vətənim Media xəbər verir ki, Milli Hidrometeorologiya Xidmətinin oktyabrın 24-ü saat 10:00-a olan məlumatına əsasən, ölkənin əksər ərazilərində yağıntı qeydə alınıb. Bəzi yerlərdə yağış leysan xarakterli, intensiv və güclü olub. Şahdağ və Kəlbəcərin yüksək dağlıq ərazilərinə qar yağıb; Şahdağda qar örtüyünün hündürlüyü 3 santimetrə çatıb.
Bakıda və Abşeron yarımadasında 7 millimetrədək yağıntı düşüb. Ən çox yağıntı Kişçayda 47, Zaqatalada isə 44 millimetr qeydə alınıb. Oktyabrın 23-də saat 23:15 radələrində Şəkinin Oxud və Kişçay kəndlərinə diametri 5–7 millimetr olan dolu yağıb.
Əsas mənbə: APA