Vətənim Media xəbər verir ki, Azərbaycan Milli QHT Forumu 2020-ci il oktyabrın 27-28-də Bərdə şəhərinə və Qarayusifli kəndinə endirilən raket zərbələrinin ildönümü ilə bağlı bəyanat yayıb. Forumun bəyanatını APA yayıb.
Bəyanatda bildirilir ki, hücumlar nəticəsində 27 dinc sakin həlak olub, 70-dən çox insan yaralanıb, yaşayış evləri və mülki infrastruktur zərər görüb. Forum qurbanları anıb, hücumları pisləyib və məsul şəxslərin beynəlxalq hüquq çərçivəsində cavabdehliyinin təmin olunmasına çağırıb.
Forum beynəlxalq ictimaiyyəti Bərdə faciəsinə və müharibə dövründə mülki əhaliyə qarşı törədilmiş digər hücumlara prinsipial münasibət göstərməyə, Ermənistanın vətəndaş cəmiyyətini isə insan hüquqlarının müdafiəsi və davamlı sülh naminə həmrəyliyə səsləyib.
Əsas mənbə: APA