Vətənim Media xəbər verir ki, Portuqaliyanın Lissabon və Portu şəhərlərində mənzil probleminə etiraz edənlərin qurduğu çadır düşərgələri polis tərəfindən sökülüb. AFP-nin məlumatına görə, əməliyyat yerli vaxtla saat 04:30 radələrində başlayıb. Polis Lissabonda 69, Portuda isə 30 çadırın götürüldüyünü bildirib.
Polisin açıqlamasına görə, dağılışmaq əmrinə tabe olmadıqları üçün Lissabonda altı, Portuda yeddi nəfər saxlanılıb. Əməliyyat zamanı 13 polis əməkdaşı xəsarət alıb, onlardan səkkizi xəstəxanaya yerləşdirilib. “Acampada Lisboa” fəal qrupu isə 30-dan çox etirazçının xəsarət aldığını, 10 nəfərin xəstəxanaya aparılmasına ehtiyac yarandığını bildirib. Qrup polis əməliyyatına etiraz olaraq bazar günü günortadan sonra Lissabonda aksiya keçirəcəyini açıqlayıb.
Əsas mənbə: APA