Vətənim Media xəbər verir ki, Azərbaycan Respublikası Media və Yayım Şurası Türkiyənin sosial media seqmentində Prezidentin adından həqiqətə uyğun olmayan fikirlərin yayıldığını bildirib. Şuranın açıqlamasını APA yayıb.
Şura dövlət başçısının səsləndirmədiyi ifadələrin ona aid edilməsini və rəsmi mövqe kimi təqdim olunmasını ictimaiyyəti yanıltmağa xidmət edən dezinformasiya nümunəsi adlandırıb. Qurum Prezidentin çıxışları, bəyanatları və fəaliyyəti barədə məlumatların rəsmi internet resursu və sosial şəbəkə hesablarından dəqiqləşdirilməsini tövsiyə edib, media subyektlərini və istifadəçiləri məlumatları paylaşmazdan əvvəl rəsmi mənbələrlə yoxlamağa çağırıb.
Əsas mənbə: APA