Vətənim Media xəbər verir ki, Fövqəladə Hallar Nazirliyinin qurumlarında və regional mərkəzlərində 8 Noyabr – Zəfər Gününə həsr olunmuş tədbirlər təşkil edilib. Tədbirlərdən əvvəl Şəhidlər xiyabanı ziyarət olunub, şəhidlərin məzarları üzərinə gül dəstələri qoyulub. Nazirliyin əməkdaşları Zəfər tarixinə həsr olunmuş kompleks və muzeylərə, eləcə də Heydər Əliyevin abidəsinə baş çəkiblər.
Toplantılarda 44 günlük Vətən müharibəsində qazanılmış Zəfərin hərbi-siyasi əhəmiyyəti, Azərbaycan Ordusunun döyüş yolu və xalqın birliyi barədə danışılıb. Çıxışlarda 2023-cü ildəki antiterror tədbirlərindən sonra dövlət suverenliyinin ölkənin bütün ərazilərində bərpa edildiyi vurğulanıb. Tədbirlərdə Vətən müharibəsinə dair filmlər nümayiş etdirilib, ağacəkmə aksiyaları keçirilib.
Əsas mənbə: APA