Vətənim Media xəbər verir ki, Prezident İlham Əliyev və birinci xanım Mehriban Əliyeva noyabrın 6-da Zəngilan Şəhər Təhsil Kompleksinin açılışında iştirak ediblər. APA-nın məlumatına görə, 2022-ci ildə 960 şagirdlik məktəb kimi layihələndirilən bina 2025-ci ildə peşəyönümlü təhsil verən kompleks olaraq yenidən layihələndirilib.
Kompleksdə laboratoriyalar, robot zonaları, STEAM otaqları və peşə emalatxanaları yaradılıb. Ərazisi 1,6 hektar olan kompleksdə kitabxana, idman və akt zalları, yeməkxana, açıq idman meydançası və qaçış zolağı da var.
Həmin gün Zəngilan şəhərində 160 yerlik körpələr evi-uşaq bağçası da açılıb. Müəssisədə oyun, yataq, kompüter və tibb otaqları, idman, musiqi, rəqs və akt zalları yaradılıb.
Əsas mənbə: APA