Vətənim Media xəbər verir ki, Bakı Ağır Cinayətlər Məhkəməsində siqaret qaçaqmalçılığı işi üzrə keçirilən prosesdə şahidlər ifadə verib. Hövsan Ticarət Dəniz Limanı Gömrük postunun sabiq rəisi və iş üzrə təqsirləndirilən Fərid Usubov Fariz Məhərrəmovu tanımadığını bildirib. O, aprelin 24-də konteynerlərin gəmiyə yüklənərək yola salınmasından xəbərsiz olduğunu deyib.
İş üzrə təqsirləndirilən Rövşən Tarverdiyev də Məhərrəmovu tanımadığını, 6-7 sotluq açıq sahədən anbar kimi istifadə etdiyini söyləyib. Tarverdiyev məhkəmədə Rəşad Daşdəmirovun göstərişlərini yerinə yetirdiyini, Daşdəmirovun isə cinayət məsuliyyətinə cəlb olunacağı halda məsələnin həll ediləcəyini və 150 min manatlıq kreditinin ödənəcəyini vəd etdiyini iddia edib.
Dövlət ittihamçısı Zaur Həşimovun ibtidai istintaqda və məhkəmədə verdiyi ifadələr arasında ziddiyyət olduğunu bildirib; əvvəlki ifadə məhkəmədə elan olunub. Prosesin növbəti iclası noyabrın 27-nə təyin edilib.
Əsas mənbə: APA