Vətənim Media xəbər verir ki, Moldova Prezidenti Maya Sandu “X” sosial şəbəkəsində ölkəsinin Rusiya qazı alışını tamamilə dayandırdığını bildirib. APA-nın məlumatına görə, Sandu Moldovanın hazırda sıfır həcmdə Rusiya qazı aldığını qeyd edib.
Sandu Vulkaneşt–Kişineu elektrik ötürücü xəttinin istifadəyə verildiyini və onun Moldovanın Rumıniya ilə Avropa enerji sisteminə bağlantılarını gücləndirdiyini açıqlayıb. Rumıniya ilə daha iki elektrik ötürücü xəttinin istifadəyə verilməsi də planlaşdırılır. Yeni marşrutla elektrik enerjisinin daha baha başa gələcəyi bildirilir.
Əsas mənbə: APA