Vətənim Media xəbər verir ki, ABŞ Prezidenti Donald Tramp demokratların Pentaqon rəhbəri Pit Heqset və səhiyyə və sosial xidmətlər naziri Robert Kennedi-kiçiyə qarşı impiçment proseduruna başlamaq planlarına qarşı çıxıb. APA-nın məlumatına görə, Tramp Floridadan Vaşinqtona yola düşməzdən əvvəl jurnalistlərə danışıb və demokratları ölkənin daxili problemlərinə diqqət yetirməyə çağırıb.
Tramp Heqsetin fəaliyyətini müdafiə edib. O, ABŞ-ın Venesuela və İrandakı hərbi əməliyyatlarda qalib gəldiyini, İranın nüvə potensialının məhv edildiyini iddia edib və Heqsetə qarşı ittihamları əsassız saydığını bildirib.
ABŞ Prezidenti demokratların sabiq müdafiə naziri Lloyd Ostinə qarşı impiçment təşəbbüsü irəli sürməməsini də sual altına qoyub. Konqres seçkilərində qalib gələn demokratların gələn ilin əvvəlindən qanunverici orqana nəzarəti ələ alacağı gözlənilir.
Əsas mənbə: APA