Vətənim Media xəbər verir ki, Milli Kibertəhlükəsizlik Agentliyi (MKA) “Apple” cihazlarında aşkarlanan boşluqla bağlı istifadəçilərə xəbərdarlıq edib. APA-nın agentliyə istinadən yaydığı məlumata görə, CVE-2026-86950 identifikatorlu boşluq iOS, iPadOS və macOS əməliyyat sistemlərinin müəyyən versiyalarına təsir edir.
Çatışmazlıq faylları emal edən CoreGraphics komponenti ilə bağlıdır. Xüsusi hazırlanmış zərərli faylın açılması hücumçuya cihazda kod icra etmək və istifadəçi məlumatlarına icazəsiz çıxış əldə etmək imkanı verə bilər. “Apple” zəiflikdən konkret şəxslərə qarşı hədəfli hücumlarda istifadə edilmiş ola biləcəyini bildirib və onun aradan qaldırılması üçün təhlükəsizlik yeniləmələri yayımlayıb.
MKA istifadəçilərə cihazlarının əməliyyat sistemlərini ən son versiyaya yeniləməyi, avtomatik yeniləmələri aktivləşdirməyi və naməlum mənbələrdən olan faylları açmamağı tövsiyə edir.
Əsas mənbə: APA