Vətənim Media xəbər verir ki, Xüsusi Rabitə və İnformasiya Təhlükəsizliyi Dövlət Xidməti yerli “QaraBug” platforması ilə birgə dövlət qurumlarının informasiya ehtiyatlarında kibertəhlükəsizlik boşluqlarının aşkarlanması üçün “bug bounty” proqramına başlayır. Təşəbbüs dövlət sistemlərinin müdafiəsini gücləndirmək, yerli mütəxəssisləri stimullaşdırmaq və dövlət-özəl sektor əməkdaşlığını inkişaf etdirmək məqsədi daşıyır.
Proqram 2026-cı il oktyabrın 20-dən noyabrın 15-dək keçiriləcək. İnformasiya təhlükəsizliyi üzrə mütəxəssislər, tədqiqatçılar və etik hakerlər aşkarladıqları texniki zəifliklər barədə hesabat təqdim edə biləcəklər. Tapıntılar risk səviyyəsinə görə qiymətləndiriləcək və xallandırılacaq; yekunda ən yüksək nəticə göstərən ilk üç iştirakçı pul mükafatı və sertifikat alacaq. Proqrama qoşulmaq və qeydiyyatdan keçmək üçün “QaraBug” platformasına müraciət etmək mümkündür.
Əsas mənbə: APA