Vətənim Media xəbər verir ki, SpaceX-in NASA üçün 35-ci kommersiya yükdaşıma missiyası oktyabrın 13-də Bakı vaxtı ilə saat 14:33-də Florida ştatındakı Kanaveral Kosmik Qüvvələr Stansiyasından start götürüb. Falcon 9 raketi Beynəlxalq Kosmik Stansiyaya elmi araşdırmalar, təchizat və avadanlıqlar aparan Dragon kosmik gəmisini orbitə çıxarıb.
Günəş şüalarının raketin işlənmiş qaz izlərini işıqlandırması nəticəsində səmada “meduza”ya bənzər parlaq görüntü yaranıb. Bu optik hadisə adətən günəş çıxan və ya batan vaxt müşahidə olunur; raketin qaz izləri ABŞ-ın şərqində də görünə bilib. Pilotsuz Dragon gəmisinin oktyabrın 15-də stansiyaya yaxınlaşaraq ona birləşməsi planlaşdırılıb.
Əsas mənbə: NASA