Vətənim Media xəbər verir ki, APA-nın “Bild” qəzetinin EDINA analitik mərkəzinin araşdırmasına istinadən yaydığı məlumatına görə, Almaniyanın silah və hərbi texnika tədarükündəki gecikmələr NATO-nun müdafiə planlarının icrasını ləngidir. Berlinin planlaşdırdığı texnika NATO-nun mümkün hərbi münaqişəyə hazırlıq strategiyasına uyğundur, lakin Almaniya nəzərdə tutulan tədarük qrafikindən geri qalır.
Araşdırmada Bundesverin təchizatında mina təhlükəsinə qarşı müdafiə vasitələri və uzaqmənzilli birdəfəlik zərbə dronlarının çatışmadığı bildirilir. “Bild” yazır ki, NATO-nun müdafiə planlaşdırmasının mühüm mərhələlərindən biri bu dronların istifadəsinə əsaslanır. Məlumatda alyansın hazırkı strategiyasının ABŞ-ın hərbi dəstəyindən asılı olduğu, Vaşinqtonun Avropaya yardımdan imtina edəcəyi halda NATO-nun Avropa üzvlərinin müdafiə konsepsiyalarını əsaslı şəkildə yenidən nəzərdən keçirməli olacağı qeyd edilir.
Əsas mənbə: APA